22.02.2021

У ДУА "Яслі-сад №352 г. Мінска" прайшоў тыдзень "Родная мова - самая лепшая ў свеце", прысвечаны Міжнароднаму дню роднай мовы.

З 15.02.21 г па 21.02.21 г. у нашай установе прайшоў тыдзень "Родная мова - самая лепшая ў свеце", прысвечаны Міжнароднаму дню роднай мовы.
Для выхаванцаў былі арганізаваны конкурс чытальнікаў "Мой родны кут ...", кніжная выстава "Па старонках роднай мовы", прагляд мультфільма "Вожыкава палянка", з дзецьмі старэйшай групы правялі занятак "Вандроўка па родным краі", а таксама дзеці з экскурсіяй наведалі "Музей народных рамёстваў".

На гуртку па маляванню "Изо-знайка", дзеці зрабілі прыгожыя малюнкі "Прылёт буслоў".

Педагогі нашай ўстановы змаглі наведаць майстар - клас па вырабе паштоўкі ў тэхніцы квілінг "Зямля пад белымі крыламі", які адбыўся на базе ЦДАДіМ "Ветразь".

Па ініцыятыве прафсаюзнага камітэта ДУА "Яслі-сад №352 г Мінска" разам з адміністрацыяй установы, для нашых супрацоўнікаў быў арганізаваны і праведзены фотаконкурс "Краявіды Беларусі".

Для гасцей і наведвальнікаў нашай старонкі ў інстаграм, былі праведзены інтэрактыўныя гульні, дзе кожны жадаючы мог праверыць наколькі добра валодае беларускай мовай.